Bir neçə il öncəyə qədər Azərbaycana avtomobillər daha çox Gürcüstan və bir çox Avropa ölkələrindən gətirilirdi. Lakin hazırda həmin ölkələrin siyahısı və bazarda vəziyyət tamamilə dəyişib.
Regionpress.ge xəbər verir ki, avtomobil satışı üzrə mütəxəssislər bildiriblər ki, indi Azərbaycana satış üçün avtomobillər daha çox Çin, Cənubi Koreya və Yaponiyadan gətirilir.
Nəqliyyat məsələləri üzrə ekspert Eldəniz Cəfərovun sözlərinə görə, bunun başlıca səbəblərindən biri Azərbaycana idxal edilən avtomobillərlə bağlı tətbiq edilən məhdudiyyətdir.
Ekspert qeyb edib ki, digər səbəblərdən biri də artıq xarici ölkələrdən birbaşa avtomobil gətirməyin daha əlverişli olmasıdır. Birbaşa Transxəzər marşrutu ilə daşınan avtomobillər nisbətən daha ucuz başa gəlir.
