Monetar siyasət komitəsinin iclasının nəticələrinə əsasən, Gürcüstanda kreditlərin faiz dərəcəsinə təsir edən refinans dərəcəsi yazın sonundan bəri dəyişməz olaraq 8% səviyyəsində qalır. Bu barədə Gürcüstan Milli Bankının açıqlamasında bildirilib.
Regionpress.ge xəbər verir ki, Gürcüstan Milli Bankı uzun müddətdir sərt monetar siyasət yürüdür. Refinans dərəcəsi ilk dəfə 13 ay sonra, 2023-cü ilin mayında azaldılaraq 10,5%-ə endirilib. Avqustda bu dərəcə 10,25%-ə, sentyabrda 10%-ə, dekabrda 9,5%-ə, 2024-cü ilin yanvarında 9%-ə, martda 8,25%-ə, mayda isə 8%-ə endirilib və o vaxtdan bəri dəyişməyib.
