Bolnisi sakini Aleksi Arveladze artıq beş ildir ki, mərkəzi küçələrdəki sahibsiz itlərə qayğı göstərir. O, heyvanları yemləyir, onlara dərman verir və sağlamlıqlarını qorumağa çalışır.
Regionpress.ge xəbər verir ki, Aleksi əvvəllər bu işləri öz hesabına həyata keçirirdi. “Əvvəllər çörəyi öz pulumla alırdım, amma son zamanlar yalnız heyvansevərlərin köməyi ilə işlərimi davam etdirirəm,” – deyə o bildirib.
Şəxsi həyatında da çətinliklər görən Aleksi, üç oğlunu itirib, yalnız bir oğlu sağdır. Bütün çətinliklərə baxmayaraq, o, itlərə qayğı göstərməyi həyatının vacib bir hissəsi hesab edir.
