Azərbaycan Respublikasının Gürcüstandakı Fövqəladə və Səlahiyyətli Səfiri Faiq Quliyev, Bolnisi rayonun Arxılı kəndində 30 dekabr gecəsi baş vermiş yol-nəqliyyat hadisəsi nəticəsində həlak olan yeniyetmələrin məzarlarına və yaxınlarına baş çəkib
Regionpress.ge xəbər verir ki, başsağlığı ziyarətində səfirlə birlikdə kənd sakinləri, ictimaiyyət nümayəndələri ,yeniyetmələrin ailə üzvləri və yaxınları iştirak ediblər
Bütöv Arxılı elinə, yeniyetmələrin yaxınlarına,ailələrinə allahdan rəhmət və səbr diləyirəm –Səfir çıxışında qeyd edib.
Məlumat üçün qeyd edək ki, 30 dekabr təxminən saat 18:30 radələrində Bolnisi-Marneuli magistral yolunun Arxılı kəndindən keçən hissəsində “Mercedes” markalı avtomobil yüksək sürətlə hərəkətdə olduğu zaman yolu keçməyə çalışan həmin kənddən olan yeniyetmələr Sinan Şərifov və Elçin Binnətovu vuraraq onların həyatına son qoymuşdur.
