Gürcüstan Azərbaycanlılarının İnteqrasiya Mərkəzinin (GAİM) nəzdində fəaliyyət göstərən “Sarvan” Folklor Ansamblında gürcü və Azərbaycan milli rəqsləri üzrə məşqlər davam etdirilir. Ansambl milli-mədəni dəyərlərin qorunması və inkişafı istiqamətində fəaliyyətini uğurla davam etdirir.
Regionpress.ge xəbər verir ki, “Sarvan” Folklor Ansamblının müəllimi və bədii rəhbəri təcrübəli və peşəkar mütəxəssis Cəmilə Məmmədovadır.Bundan əlavə, ansamblın peşəkar müəllim heyətində UNESCO-nun Beynəlxalq Rəqs Şurasının (CID) Tbilisi nümayəndəsi Zurabi Bilanişvili də yer alır.
Qeyd edək ki, dərslər hər həftə şənbə və bazar günləri saat 12:00-dan 14:00-dək keçirilir.
