47 mindən çox abituriyent vahid milli imtahanlarda iştirak etmək üçün qeydiyyatdan keçib.
Regionpress.ge məlumat verir ki, bu barədə Təhsil naziri Giorgi Amilaxvari jurnalistlərə açıqlamasında bildirib.
Onun sözlərinə görə, ölkənin 12 şəhərində 24 imtahan mərkəzi tam hazır vəziyyətdədir, bütün avadanlıqlarla təmin olunub.
“47 mindən çox abituriyent qeydiyyatdan keçib. Namizədlərimizin dinc şəraitdə maksimum biliklərini nümayiş etdirmələri və ən yüksək bal toplamaları üçün lazım olan bütün avadanlıq, soyutma sistemləri və hər cür şəraitlə təchiz olunmuş 24 imtahan mərkəzi ölkənin 12 şəhərində tam şəkildə yayılmış və hazırlanmışdır. Hər bir abituriyentə uğurlar arzulamaq istəyirəm. Onların öz biliklərini maksimum dərəcədə ortaya qoya bilmələri üçün tam şərait yaradılıb, onların hər birinə seçdiyi universitetə daxil olmağı arzulayıram”, – deyə Amilaxvar bildirib.
Məlumat üçün bildirək ki, bu gündən vahid milli imtahanlar başlayıb. Milli Qiymətləndirmə və İmtahan Mərkəzinin məlumatına görə, abituriyentlər gürcü dili və ədəbiyyatından ilk imtahan verəcəklər. İyulun 26-da fizika imtahanı ilə başa çatacaq.
