Şalva Papuaşvili ölkədə LGBT təbliğatının qadağan olunması haqqında qanunu imzalayıb.
Papuaşvili bu barədə sosial şəbəkə hesabında yazıb.
“Bu gün Gürcüstan Konstitusiyasına uyğun olaraq “Ailə dəyərləri və yetkinlik yaşına çatmayanların müdafiəsi haqqında” qanunu imzalayıram. Başa düşürəm ki, bu qanunun imzalanması bəzi xarici tərəfdaşların tənqidinə səbəb olacaq, lakin gürcülər heç vaxt başqalarının fikirlərindən qorxmayıblar. Bu yolla biz öz kimliyimizi qoruyub saxlamışıq”, – deyə Papuaşvili bildirib.
Qeyd edək ki, daha öncə Prezident Salome Zurabişvili qanunu imzalamaqdan imtina edərək parlamentə geri qaytarmışdı, lakin veto qoymamışdı.
