İlk olaraq düşərgə iştirakçıları Tbilisi şəhərində yerləşən Ulu Öndər Heydər Əliyevin büstünü ziyarət ediblər daha sonra, Telavi şəhərinə yola düşən iştirakçılar üç gün boyunca burada təlim və əyləncəli proqramlarda iştirak edəcəklər
Tbilisi şəhərində fəaliyyət göstərən Alyans Gənclər Mərkəzinin təşkilatçılığı və Diasporla İş üzrə Dövlət Komitəsinin dəstəyi ilə Telavi şəhərində yerləşən ” Arge Celler” hotelində üç günlük yay düşərgəsinə azərbaycandilli media nümayəndələri və Gürcüstanın müxtəlif şəhər və rayonlarında fəaliyyət göstərən təhsil mərkəzlərinin şagird və müəllim heyəti qatılıb
Düşərgəyə Tbilisidən” Alyans Gənclər Mərkəzi” , Bolnisidən “Qafqaz Hüquq və İnteqrasiya Mərkəzi” ,Marneulidən “Gürcüstan Azərbaycanlılarının İnteqrasiya Mərkəzi”,Dmanisidən “Dmanisi Tədris Mərkəzi”,Qardabanidən” Qardabani Təhsil və İnteqrasiya Mərkəzi”, Rustavidən” Rustavi Təhsil və Mədəniyyət Mərkəzi”, Saqarecodan (Qaraçöp) “Parlaq Gələcək Tədris Mərkəzi”,Kaxetidən isə “Qabal İnkişaf Mərkəzi”nin şagird və müəllim heyəti iştirak edir
Düşərgə iştirakçılarına səhiyyə,təhsil, media və ümumi mövzulardan təlim keçiriləcək
