Litvanın Gürcüstandakı səfiri Andrius Kalindra Gürcüstan Xarici İşlər Nazirliyinə çağırılıb.
Diplomat nazirliyin Avropa departamentinin direktoru Gia Zurabaşvili ilə görüşüb.
- Məlumata görə, görüş zamanı Litva xarici işlər naziri Qabrielius Landsbergisin Gürcüstana səfəri və Rustaveli prospektində keçirilən mitinqdə çıxışı ilə bağlı Gürcüstanın narahatlığı qarşı tərəfə çatdırılıb.
Yerli KİV Gürcüstan səfirinin də “xarici agentlər” qanununun qəbul edilməsi ilə əlaqədar Litva xarici işlər nazirliyinə çağırılması barədə məlumat yayıb.
