Saytlarda əşyalar almaq üçün bağladığınız karta məhdud miqdarda pul qoyun.
Regionpress.ge məlumat verir ki, bu barədə “Gürcüstan Banklar Assosiasiyasının” kibertəhlükəsizlik üzrə koordinatoru İnqa Karçava bildirib.
Karçavanın sözlərinə görə, maliyyə təhlükəsizliyi üçün istifadəçilərə gürcü və ya beynəlxalq internet saytları ilə əlaqəli bank kartlarından və hesablardan yalnız mal və ya xidmətlərin alınması üçün lazım olan məbləği ödəmələri tövsiyə olunur.
O, həmçinin qeyd edib ki, digər vəsaitlər saytlarla əlaqəsi olmayan hesablara yerləşdirilməlidir.
“İnternet saytlarında, gürcü və ya beynəlxalq saytlarda aktiv şəkildə istifadə etdiyimiz əlaqələndirilmiş kartın olduğu hesablarda məhdud miqdarda pul yatırmağı, yəni nəsə almaq və ya gündəlik xərcləri ödəmək üçün lazım olan məbləği yadda saxlamalıyıq. Bizdə ancaq müəyyən məbləğ olmalıdır, qalanı isə heç bir yerə bağlı olmayan hesaba yerləşdirilməlidir”, – İnqa Karçava bildirib.
