Çinin ən böyük aviaşirkəti AIR CHINA Gürcüstan və Çin Xalq Respublikası arasında birbaşa sərnişin reyslərinin həyata keçirilməsində maraqlıdır.
Regionpress.ge bildirir ki, bu barədə Gürcüstanın Mülki Aviasiya Agentliyi məlumat yayıb.
Agentliyin məlumatına görə, “AIR CHINA” cari ilin sentyabr ayından etibarən Tbilisi ilə Urumçi arasında həftədə 3 dəfə reyslərin həyata keçirilməsini nəzərdən keçirir. Uçuşlara başlamaq üçün aviaşirkətlə məsləhətləşmələr aktiv rejimdədir.
“Gürcüstan və Çin arasında viza rejiminin ləğvi mülki aviasiya sektorunda əməkdaşlığın dərinləşdirilməsi, o cümlədən birbaşa uçuşların tezliyinin artırılması və uçuşların coğrafiyasının genişləndirilməsi istiqamətində danışıqlara əlavə təkan verib.
Bu gündən etibarən China Southern Airlines Gürcüstan və Çin arasında müntəzəm sərnişin reysləri həyata keçirir. Ötən ildən etibarən aviaşirkət əməliyyatların tezliyini tədricən artırıb və hazırda Urumçi – Tbilisi – Urumçi hava xətti üzrə gündəlik uçuşlar həyata keçirir. 2024-cü ilin 6 ayının məlumatlarına görə, China Southern Airlines Gürcüstan və Çin arasında 19 991 sərnişin daşıyıb.
2023-cü ildə Çindən Gürcüstana səfərlərin sayı 48 304 nəfər təşkil edib ki, bu da 2022-ci illə müqayisədə 554,5% çoxdur. 2024-cü ilin iki rübünün məlumatlarına görə, Çindən 32 853 ziyarət edilib. 2023-cü illə müqayisədə artım 159,5% təşkil edib.
Yeni aviaşirkətin fəaliyyətə başlaması iki ölkə arasında sərnişin axınının artmasına və ticarət-iqtisadi əlaqələrin dərinləşməsinə töhfə verəcək”, – deyə agentlik qeyd edib.
