Gürcüstan Mərkəzi Seçki Komissiyası (MSK) oktyabrın 26-da keçiriləcək parlament seçkiləri çərçivəsində Azərbaycanda üç seçki məntəqəsi açacaq.
Bu barədə MSK Azərbaycanın Report xəbər agentliyinə məlumat verib. Məntəqələrin hamısı Bakının Nərimanov rayonu, Yaşar Hüseynov küçəsi 13/15 ünvanında yerləşəcək.
Həmçinin, qeyd edilib ki, Gürcüstan parlament seçkiləri üçün ən çox seçki məntəqəsi Yunanıstan, ABŞ, Türkiyə, Almaniya, Azərbaycan və İtaliyada təşkil ediləcək. ABŞ və Yunanıstanda hər birində beş məntəqə, Almaniyada dörd, Azərbaycan, Türkiyə və İtaliyada üç, İspaniyada isə iki məntəqə yaradılacaq.
