Tetritskaro məhkəməsi səsvermə məxfiliyinin pozulduğunu təsdiqləyib və Gürcüstanın Gənc Hüquqşünaslar Assosiasiyasının(SAIA) iddiasını təmin edib.
Regionpress.ge xəbər verir ki, bu barədə məlumatı təşkilat yayıb.
“Tetritskaro məhkəməsi səsvermə məxfiliyinin pozulduğunu təsdiqləyib ve hakim Vladimir Xuçua SAİA təşkilatının iddiasını təmin edib.Məhkəmə təsadüfi seçim yolu ilə Tsalka və Tetritskaro rayonlarında bir neçə seçki məntəqəsinin bülletenlərini yoxlayıb və orada səsvermə məxfiliyini pozan bülletenlərin arxa tərəfində markerin izlərinin göründüyü təsdiqlənib. Yoxlama prosesini özü aparan hakim bülleteni səslərin sayma aparatına qoyarkən məxfiliyin açıq şəkildə pozulmasını müşahidə edib. SAİA bu qərarı alqışlayır və onun demokratik seçki prosesinin təmin edilməsi üçün əhəmiyyətini vurğulayır”, – təşkilatın bəyanatında deyilir.
