“Gürcüstan iqlim böhranının aradan qaldırılması ideyasına sadiqdir və pozitiv dəyişiklikləri dəstəkləmək üçün effektiv tədbirlər görməyə davam edir”.
Regionpress.ge xəbər verir ki, bu sözləri Gürcüstanın Baş naziri İrakli Kobaxidze sosial şəbəkə yazıb.Hökumət başçısının qeyd etdiyinə görə, Bakıda keçirilən BMT-nin iqlim dəyişikliyi ilə bağlı konfransı Cənubi Qafqaz regionu üçün mühüm hadisədir.
“Mənim üçün Bakıda keçirilən BMT-nin iqlim dəyişikliyi ilə bağlı konfransda iştirak etmək böyük şərəfdir. Bu, Cənubi Qafqaz regionu üçün mühüm hadisədir. Biz tərəfdaşlarımızla birgə iqlim dəyişikliyinin yaratdığı problemləri və onların effektiv həlli yollarını müzakirə etdik ki, davamlı gələcək təmin olunsun. Gürcüstan iqlim böhranının aradan qaldırılması ideyasına sadiqdir və pozitiv dəyişiklikləri dəstəkləmək üçün effektiv tədbirlər görməyə davam edir”, — deyə baş nazir qeyd edib.
