“Yoxlamanın qiyməti mövcud problemlərə uyğun gəlmir – yenidən nəzərdən keçirilməlidir”.
Regionpress.ge bildirir ki, bunu Gürcüstan Avtomobil Müfəttişləri Mərkəzləri Assosiasiyasının prezidenti David Meskişvili bildirib.
Onun sözlərinə əsasən, gələcəkdə doğru olan, nəqliyyat vasitələrinin texniki baxış qiymətinin kateqoriyalara görə müəyyən edilməsi olacaq, məsələn, qoşqular, avtobuslar və s. üçün fərqli olacaq.
“Yoxlama qiyməti bizdə 60 və 100 lari təşkil edir. Beynəlxalq təcrübədə belə iki yerə bölünmə nadir hallarda rast gəlinir, çünki tələb olunan işin tipi, həcmi və s. fərqlidir və qoşqu, avtobus və digər nəqliyyat vasitələri fərqli yoxlama tələb edir. Mən düşünürəm ki, gələcəkdə nəqliyyat vasitələrinin texniki baxışı üzrə qiymətin kateqoriyalara görə müəyyən edilməsi doğru olacaq” , – deyə o, bildirib.
Qeyd edək ki, bir neçə aydır ki, texniki baxış qiymətlərinin artırılması məsələsi müzakirə olunur. Sahənin ekspertlərinin fikrincə, son 5 ildə qiymətlərin yenidən nəzərdən keçirilməməsi texniki baxış mərkəzlərinin fəaliyyətini çətinləşdirə bilər.
