“Valideynlər övladlarının Avropa gələcəyi üçün, biz Avropanı seçirik”.
Vətəndaşlar, tələbələr və qeyri-hökumət təşkilatlarının nümayəndələri bu şüarla Batumidəki Mərkəzi Parka toplaşıblar.
Onlar , “Xarici təsirin şəffaflığı haqqında” qanun layihəsinə etiraz edirlər və “Rusiya qanunu”nun qəbulunun Gürcüstanı Avropadakı gələcəyindən uzaqlaşdırdığını bildirirlər.
“Acariya Rusiya qanunlarını deyil, Avropanı seçir. Avropa, birlik, sevgi və təhlükəsizlik bizim məqsədimizdir. Yağışa və soyuğa baxmayaraq, etirazımızı dayandırmayacağıq, hökuməti bu qanun layihəsini geri götürməyə çağırırıq”, – deyə mitinqə toplaşanlar bildiriblər.
