Tikilən obyektlərin yarısından çoxu Tbilisi, Kaxeti və Mtsxeta-Mtianeti bölgələrinə düşür
Regionpress.ge xəbər verir ki, 2024-cü ilin yanvar-sentyabr aylarında Gürcüstanda ümumi sahəsi 2,3 milyon kvadratmetr olan 2 597 obyekt istismara verilib. Bu barədə Gürcüstanın Milli Statistika Xidməti (Sakstat) məlumat yayıb.
2023-cü ilin eyni dövrü ilə müqayisədə istismara verilən obyektlərin sayı 16,2%, sahəsi isə 7,7% artıb.
2024-cü ilin yanvar-sentyabr aylarında tikilən obyektlərin yarıdan çoxu Tbilisi, Kaxeti, Mtsxeta-Mtianeti və İmereti bölgələrinə düşür.
2024-cü ilin yanvar-sentyabr aylarında Gürcüstanın bələdiyyə orqanları ümumi sahəsi 8,6 milyon kvadratmetr olan obyektlərin tikintisinə 8,8 min icazə verib.
