Dmanisi rayonunda təhsil uğurları təltif edildi

Dmanisi rayon bələdiyyəsində 2022-2023 tədris illərinin qızıl medal mükafatçıları üçün təltifetmə mərasimi keçirilib. Mərasimdə Dmanisi rayon meri Koba Muradaşvili, onun müavini Arif Süleymanov, şuranın sədri Paata Kuliaşvili, Dmanisi Təhsil Resurs Mərkəzinin rəhbəri Maia Xmeladze və digər rəsmi şəxslər iştirak ediblər.

Regionpress.ge olaraq xəbər veririk ki, təltif edilənlər arasında Dmanisi rayonunun 2 saylı rus dili təmayüllü ictimai məktəbinin 12-ci sinif şagirdləri Aysel Hacıyeva və Lamiyə Əfəndiyeva da yer alıb. Hər iki şagird öz uğurları ilə fərqlənərək qızıl medal almaq hüququnu qazanıblar. Lamiyə Əfəndiyeva hazırda Tbilisi Dövlət Universitetində təhsilini davam etdirir.

Mərasimdə çıxış edən rəsmi şəxslər təhsil sahəsində əldə edilən uğurların əhəmiyyətini vurğulayaraq, gənclərin təhsilindəki müvəffəqiyyətlərin rayonun inkişafı üçün böyük rol oynadığını bildiriblər. Təltif edilən şagirdlər isə öz uğurlarını müəllimlərinin, ailələrinin və rayon rəhbərliyinin dəstəyinə bağlayıblar.

Bu tədbir, Dmanisi rayonunda təhsilin inkişafı və gənclərin uğurlarının qiymətləndirilməsi baxımından əhəmiyyətli bir addım oldu. Regionpress.ge media qurumunun redaksiya heyəti adından təltif edilən şagirdlərə gələcək təhsil və peşə karyeralarında uğurlar arzulayırıq!