Regionpress.ge-nin əldə etdiyi məlumata görə, Ədliyyə Nazirliyinin Dövlət Müəssisəsi olan “Ədliyyə Evi”nə yeni sədr Vaqtanq Jvaniya təyin edilib. Jvaniyanın dövlət qulluğunda və akademik sahədə uzun illərə dayanan təcrübəsi var.
Təyinata qədər Vaqtanq Jvaniya, Ədliyyə Nazirliyinin tabeliyində fəaliyyət göstərən “Ədliyyə Təlim Mərkəzi”nin rəhbəri vəzifəsində çalışıb. Bundan əlavə, o, Gürcüstan Texniki Universitetinin Hüquq və Beynəlxalq Münasibətlər Fakültəsinin professorudur.
Jvaniyanın geniş təcrübəsi və peşəkarlığı, “Ədliyyə Evi”nin fəaliyyətinin daha da inkişaf etdirilməsində mühüm rol oynayacağı gözlənilir.
