“Bu gün Gürcüstanda qumar oyunlarına təxminən 1 milyon insan cəlb olunub”.
Regionpress.ge bildirdiyi kimi, bunu QHT “Qumar Oyunlarına Qarşı Analar” təşkilatının prezidenti Tamara Japaridze deyib.
Onun bildirdiyi kimi , ölkədə qumar oyunları şirkətlərinin illik dövriyyəsi nəhəngdir və getdikcə artır, buna görə də beynəlxalq təşkilat “Maniveli” Maliyyə Nazirliyinə çirkli pulların yuyulması risklərinin aradan qaldırılması üçün qanun layihəsinin hazırlanmasını tövsiyə edib.
“Oyuncular tərəfindən qoyulan mərclərlə birlikdə şirkətlərin ümumi dövriyyəsi 64,5 milyard lari təşkil edir. Bunun yalnız 20 milyonu xarici ziyarətçilər tərəfindən qoyulmuş mərclərdir, qalanı isə yerli əhalidəndir.
Biz bu dövriyyənin sürətlə artdığını gördükdə, Maliyyə və Büdcə Komitəsinin iclasında bu məsələni qaldırdıq, həmçinin Maliyyə Nazirliyində. Məhz o zaman beynəlxalq təşkilat ‘Maniveli’ Maliyyə Nazirliyinə çirkli pulların yuyulması risklərinə qarşı qanun layihəsinin hazırlanmasını tövsiyə etdi”, – deyə Tamara Japaridze “Palitra radiosu”nun efirində qonaq olarkən qeyd edib.
