Müxalif “Lelo – Güclü Gürcüstan” partiyasının Bolnisi merliyinə namizədi Asəf Çıraqov öz namizədliyini geri götürərək “Gürcü Arzusu” partiyasının namizədi Zamur Çitanavaya dəstək verdiyini açıqlayıb
Regionpress.ge xəbər verir ki, Çıraqov bu barədə 21 sentyabrda sosial şəbəkə hesabında məlumat yayıb. O bildirib ki, siyasi mübarizə aparmaq əvəzinə bölgədə sabitliyin və inkişafın qorunmasını daha vacib hesab edir və buna görə də səslərin parçalanmaması üçün qərarını dəyişib
Qeyd edək ki, Çıraqovun namizədliyi bu ayın əvvəlində partiyanın Marneuli ofisində “Lelo – Güclü Gürcüstan” partiyasının regional rəhbəri Aqil Mustafayev tərəfindən elan olunmuşdu. O, əslən Bolnisi rayonunun Qoçulu kəndindəndir
Bildirək ki, 4 oktyabr bələdiyyə seçkilərində müxalifətin Bolnisidən yeganə namizədi olan Asəf Çıraqov artıq rəsmən namizədliyini “Gürcü Arzusu” partiyasının xeyrinə geri çəkib
