Şəhər ictimaiyyətinin və Mərkəzdə təhsil alan şagirdlərin iştirakı ilə keçirilən tədbir Gürcüstan və Azərbaycanın dövlət himnlərinin səsləndirilməsi,şəhidlərin xatirəsinə sayğı duruşu ilə başlayıb.
Regionpress.ge xəbər verir ki, mərkəzin direktoru Raida Dərziyeva,şairə Güllü Tomarlı,şair-publisist Rafiq Hümmət,ERA teatrının rəhbəri Anar Rafiqoğlu,Qaratəhlə ictimai məktəbinin direktoru Bəhram İsayev,müəllimə Mədinə Həsənova,ictimai fəal Vəfa Bayramova çıxış edərək Azərbaycanın öz ərazi bütövlüyünün bərpası uğrunda apardığı Vətən müharibəsində qazandığı şanlı qələbə barədə fikir və təəssüratlarını ifadə etmişlər.Duyduqları qürur və iftixar hisslərini dilə gətirən çıxış edənlər Gürcüstanın da işğal olunmuş ərazilərində öz suverenliyini bərpa edəcəyinə əminliyini bildirdilər.
Mərkəzdə təhsil alan şagirdlər mahnı,şeir və rəqslərdən ibarət konsert proqramı təqdim etdilər,Zəfər Gününə həsr olunmuş rəsmlərini sərgilədilər.Şairə Güllü Tomarlı Mərkəzin nəzdində yaradılmış kitabxanaya öz kitablarını bağışladı.Mərkəzin direktoru Raida Dərziyeva əlamətdar gündən xatirə olaraq iştirak edənlərə “Xarı bülbül” döş nişanları hədiyyə etdi.
