Gürcüstan Milli Bankı valyuta hərracında satışa 60 milyon dollar təklif etsə də, saat 14:19-a olan məlumata görə, Bloomberg ticarət sistemində bir dollar 2,7910 lari dəyərindədir.
Regionpress.ge banka istinadən məlumat verir ki, bu Milli Bankın son günlərdə ikinci intervensiyasıdır. “Agent qanunu”nun qəbul edildiyi ikinci gündə, mayın 16-da Mərkəzi Bank 60 milyon dollar satıb. Bu gün, mayın 28-də Milli Məclisdə prezidentin “Agentlər haqqında qanun”a vetosuna baxılır və eyni zamanda etiraz aksiyası da keçirilir.
Dünən, mayın 27-də lari dollara və avroya nisbətən kəskin ucuzlaşıb – dolların rəsmi məzənnəsi 2,768 lari, bir avronun dəyəri isə 3,0058 lari olub.
