Gürcüstanın milli futbol komandası debüt Avropa çempionatında mübarizəni başa vurub.
İyunun 30-da Almaniyanın Köln şəhərindəki “Rhine Energy Stadium”da İspaniya ilə 1/8 final mərhələsinin oyunu rəqibin 4:1 hesablı qələbəsi ilə başa çatıb.
Hesab 18-ci dəqiqədə ispaniyalı futbolçu Robin Le Normandın avtoqolu ilə açılıb. 39-cu dəqiqədə Rodrinin qolu hesabı bərabərləşdirib. İlk hissə heç-heçə başa çatıb.
İkinci hissədə 75-ci dəqiqədə Niko Uilyams və 83-cü dəqiqədə Dani Olmonun vurduğu qollarla fərq 3-ə yüksəlib.
İspaniya Avropa çempionatında növbəti 1/4 final oyununda Almaniya ilə qarşılaşacaq. Oyun iyulun 5-nə planlaşdırılıb.
Gürcüstan millisi müstəqillik tarixində ilk dəfə Millətlər Liqasının qalibi olmaqla Avropa çempionatına vəsiqə qazana bildi . Turnirin 1/8 finalında oynamaq Gürcüstan üçün tarixi nəticədir.
