“Birlik: Vahid Milli Hərəkat” koalisiyanın namizədi Ceyhun Məhəmmədəli və koalisiyanın yerli rəhbərləri Marneuli Bələdiyyəsinin bir sıra kəndlərinə əhali ilə görüşlərini davam etdirirlər.
Bu barədə Regionpress.ge xəbər portalına Ceyhun Məhəmmədəli bildirib.
O, deyib ki, əhali ilə görüşlərimiz davam edir, o cümlədən Qaçağan, Təməli və Axlımahmudlu kəndlərində əhali ilə bir araya gəliblər.
Onun sözlərinə görə, onlar əhalinin “Gürcü Arzusu” partiyasından şikayətlərini dinləyiblər.
“Əhalinin əsas şikayətləri narkomaniya, işsizlik, cərimələrin iki qat artması, yüksək və üstü açılmayan cinayət hadisələri, sosial və infrastruktur problemləridir. Əhali hakimiyyətin cinayətlərindən və ayrıseçkiliyindən bezdiklərini və tezliklə bu kimi problemlərin həllini istədiklərini söyləyirlər” , – deyə Ceyhun Məhəmmədəli deyib. Müxalifət partiyasının nümayəndəsi əhali ilə görüşlərin intensiv şəkildə davam edəcəyini əlavə edib.
