Regionpress.ge “Reuters” -ın məlumatına istinadən xəbər verir ki, Livan və “Hizbullah” ABŞ-ın atəşi dayandırmaq təklifi ilə razılaşıb. Parlament sədri Nəbih Berrinin köməkçisi Əli Həsən Xəlil bildirib ki, Livan bazar ertəsi ABŞ-ın Livandakı səfirinə yazılı cavab təqdim edib.
“Livan sənədlə bağlı izahatlarını müsbət atmosferdə təqdim etdi. Təqdim etdiyimiz bütün qeydlər BMT-nin 1701 saylı qətnaməsinin bütün müddəaları ilə dəqiq yerinə yetirildiyini təsdiqləyir”, – Əli Həsən Xəlil qeyd edib.
Bu xüsusi qətnamə BMT tərəfindən 2006-cı ildə qəbul edilib və İsrail və Hizbullah arasında müharibəyə son qoyub. Onun şərtləri Hizbullahın Livan-İsrail sərhədi ilə Litan çayı arasında heç bir qoşununun olmasını tələb edir.
