Gürcüstanın ən titullu futbol klubu Tbilisi “Dinamo”nun yeni baş məşqçisi Vladimir (Lado) Kakaşvili təyin edilib. Bu barədə paytaxt klubunun mətbuat xidməti məlumat yayıb.
Regionpress.ge xəbər verir ki, Kakaşvili, “Dinamo”nun baş məşqçisi vəzifəsində avstriyalı mütəxəssis Ferdinand Feldhoferi əvəz edib. Feldhoferin rəhbərliyi altında paytaxt klubu Milli Liqada yeddinci sıraya qədər enmişdi.
Kakaşvili “Dinamo”ya qayıtmazdan əvvəl “Samtredia” klubunda baş məşqçi kimi çalışırdı. Onun rəhbərliyi ilə komanda 14 oyunda iştirak edib, bunlardan dördündə qalib gəlib, dördü heç-heçə ilə başa çatıb və altısını uduzub.
2011-2024-cü illər arasında Kakaşvili “Dinamo” akademiyasında baş məşqçi kimi çalışıb. O, “Dinamo-2” ilə birlikdə Milli Liqa-2-yə vəsiqə qazanıb.
