Rustaveli prospektində keçirilən aksiyada hüquq-mühafizə orqanlarının əməkdaşları tərəfindən İnzibati Xətalar Məcəlləsinin 166 və 173-cü maddələri ilə polis əməkdaşının qanuni tələbinə tabe olmamağa və xırda xuliqanlığa görə 43 nəfər saxlanılıb.
Regionpress.ge xəbər verir ki, bu barədə Daxili İşlər Nazirliyinin mətbuat xidmətindən məlumat verilib.
Qeyd olunur ki, mitinqdə baş vermiş qanun pozuntuları ilə bağlı istintaq Cinayət Məcəlləsinin 353-cü maddəsinin birinci və 187-ci maddəsinin ikinci hissələri ilə aparılır.
Qurumun yaydığı bəyanatda bildirilir ki, parlament binası yaxınlığında keçirilən aksiya zamanı 32 hüquq-mühafizə orqanı əməkdaşı xəsarət alıb, onlardan 13-ü cərrahi müdaxilə tələb edib.
