Avropa Komissiyası (AK) hesab edir ki, Aİ ölkələri yalnız milli təhlükəsizliyə təhdid qorxusuna görə izləmə proqramlarından nəzarətsiz istifadə edə bilməz.
Bu barədə “Politico” nəşri məlumat yayıb.
“Milli təhlükəsizliyin təmin edilməsi ilə bağlı tələblərin əhatə dairəsi Aİ təsisatlarının heç bir nəzarəti olmadan hər bir üzv dövlət tərəfindən birtərəfli qaydada müəyyən edilə bilməz”, – məlumatda bildirilib.
Avropa Komissiyası casus proqramlardan yalnız məhkəmənin icazəsi ilə istifadə edilməsində israrlıdır. Brüssel hesab edir ki, bu cür proqram təminatının əhatə dairəsi “uşaqların cinsi istismarı, qətl, çirkli pulların yuyulması, narkotik ticarəti və korrupsiya kimi ağır cinayətlərlə” məhdudlaşmalıdır.
