“Birlik: Vahid Milli Hərəkat” koalisiyasının liderlərindən biri Giorgi Baramidze, seçki siyahısının namizədi Ceyhun Məhəmmədəli və yerli rəhbərlər Azad Kərimov, Ramal Əhmədov və Fuad Qəhramanov Marneuli Bələdiyyəsinin kəndlərində karvanla dolaşaraq əhali ilə görüşlər keçiriblər.
Bu barədə Regionpress.ge xəbər portalına koalisiyanın Marneuli qərargahından məlumat verilib.
“Kəndlərdə keçirilən görüşlər zamanı sakinlər hakimiyyətin idarəçiliyindən narazılıqlarını ifadə ediblər. Onlar suvarma suyu çatışmazlığı, kriminal, narkomaniya, işsizlik, yüksək cərimələr və infrastruktur problemlərinin onları bezdirdiyini və artıq bu hakimiyyətdən qurtulmaq istədiklərini bildiriblər. Görüşlər sual-cavab formatında keçirilib və Marneuli sakinləri ilə görüşlərimiz davam edəcək” , – məlumatda deyilir.
