Bolnisi rayonun İncəoğulu (Zemo Bolnisi) kəndində silahlı hücum olub.
Redaksiyamıza daxil olan məlumata görə, dünən gecə saatlarında 2 nəfər silahlı şəxs tərəfindən Zemo Bolnisi (İncəoğlu) kəndində Poladauri (Çatax) kənd sakini Ədalət Çobanovu öldürmək məqsədi ilə onun avtomobilinə silahlı hücum olub.
Silahlı şəxslər avtomobilə 60-a yaxın atəş açıb. Məlumata görə, 20-dən çox güllə maşına dəyib.
Silahlı şəxslər məqsədlərinə çata bilməyib. Ədalət Çobanov xəsarət almadan hadisə yerindən uzaqlaşıb.
Şübhəli şəxslərin hadisə yerindən qaçdığı bildirilir.
Faktla bağlı Daxili İşlər Nazirliyi tərəfindən istintaqa başlanılıb.
