ABŞ-ın yeni seçilmiş prezidenti Donald Tramp bildirib ki, o, yeni müharibələrə başlamayacaq və mövcud münaqişələrə son qoyacaq.
Regionpress.ge xəbər verir ki, o, bu barədə sosial şəbəkədə yazıb.
“Mən müharibələr başlatmaq fikrində deyiləm. Mən onları bitirəcəyəm”, – Tramp, seçkilərdə qalib gəldikdən sonra tərəfdarlarına ilk müraciətində deyib.
Noyabrın 5-də ABŞ-da keçirilən prezident seçkilərində, Fox News-un ilkin məlumatlarına görə, Donald Tramp Seçicilər Kollegiyasının 277 səsini toplayıb və bu, onun seçilmiş prezident elan edilməsi üçün kifayət edir. Onun rəqibi, “Demokratlar” partiyasından olan Kamala Harris isə Seçicilər Kollegiyasının 226 səsini toplayıb.
