Gürcüstanda növbəti prezident seçkiləri dekabrın 14-də keçiriləcək. Bu barədə Gürcüstan Parlamentinin sədri Şalva Papuaşvili, parlamentin bu günkü plenar iclasında məlumat verib. O, həmçinin bildirib ki, məsələ artıq parlamentin bürosuna təqdim edilib.
Regionpress.ge xəbər verir ki, Papuaşvili, prezidentin inauqurasiyasının isə dekabrın 29-da baş tutacağını açıqlayıb.
Qeyd edək ki, bu seçkilər Gürcüstan tarixində bir ilk olacaq. Çünki prezident ümumxalq səsverməsi ilə deyil, parlamentdəki seçki kollegiyası tərəfindən seçiləcək. Bu dəyişiklik, ölkənin siyasi sistemində mühüm bir yenilikdir.
