Mitinq iştirakçılarının və müxalifət liderlərinin bir hissəsi Melikişvili prospektində qalır.
Regionpress.ge xəbər verir ki, hüquq-mühafizə orqanları aksiyanın təşkilatçılarını və iştirakçılarını nəqliyyatın hərəkətini bərpa etmək üçün yolun hərəkət hissəsini təmizləməyə çağırıb. Sözügedən tələb rədd edildikdən sonra mitinq iştirakçılarından bir neçəsi ərazidən çıxarılıb.
Hazırda müxalifət partiyasının bir hissəsi və mitinq iştirakçılarının bir qrupu Rustaveli metrosunun yaxınlığındadır.
Səhər saatlarında Daxili İşlər Nazirliyi bəyanat yayaraq, aksiya iştirakçılarını və təşkilatçılarını ərazini süni tikililərdən azad etməyə, yolun hərəkət hissəsində nümayişi dayandırmağa və qanunla müəyyən edilmiş həddə etiraz etməyə çağırıb.
Hadisə yerində olan Daxili İşlər Nazirliyinin nümayəndələri aksiyanın təşkilatçılarına və iştirakçılarına yolun hərəkət hissəsini təmizləmək üçün 15 dəqiqə vaxt verib, bundan sonra hüquq-mühafizə orqanlarının əməkdaşları TSU-ya bitişik əraziyə keçiblər.
Aksiya iştirakçılarının zəbt etdikləri ərazi hüquq-mühafizə orqanlarının əməkdaşları tərəfindən süni tikililərdən təmizlənib. Mitinq iştirakçılarının bir hissəsi Melikişvili prospekti istiqamətində, digər hissəsi isə Çavçavadze prospekti istiqamətində aparılıb.
