Gürcüstanın mədəniyyət və idman naziri Tinatin Ruxadze nazir müavini Maka Qurgenidze ilə birlikdə Abxaziya Muxtar Respublikasının mədəniyyət və təhsil naziri Davit Morqoşiya ilə işgüzar görüş keçirib.
Regionpress.ge xəbər verir ki, görüşdə mədəniyyət sahəsində əməkdaşlıq məsələləri müzakirə olunub. Söhbət zamanı Abxaziyanın Mədəniyyət Nazirliyini narahat edən infrastruktur və digər məsələlər diqqətə çatdırılıb və onların həlli yolları göstərilib.
Mədəniyyət naziri bütün problemlərin həlli yollarının tapılmasında köməklik göstərməyə hazır olduğunu bildirib.
Bu barədə məlumatı Abxaziya Muxtar Respublikası Hökumətinin mətbuat xidməti yayıb.
