Gürcüstanın üçüncü Prezidenti Mixeil Saakaşvili “Vahid Milli Hərəkat” partiyasının Marneuli qərargah rəhbəri Azad Kərimova məktub ünvanlayıb.
Regionpress.ge xəbər verir ki, məktubun sürətini Azad Kərimov sosial şəbəkədə paylaşıb:
“Azad qardaşım. Göstərdiyin qəhrəmanlığa görə təşəkkür edirəm. Zərər çəkdiyinə görə çox narahat oldum. Sənin cəsur hərəkətini heç vaxd unutmayacam. Biz qalib gələcəyik. Qardaş Salamı”.
Xatırladaq ki, 26 Oktyabr Parlament seçkiləri günü Qızılhacılı 74 saylı seçki məntəqəsində baş verən insident zamanı Azad Kərimov fiziki şiddətə məruz qalıb.
