Gürcüstanın baş naziri İrakli Kobaxidze “Agent qanunu”na qarşı aksiyalarda iştirak edən gənclərə birgə sağlam müzakirə keçirməyi təklif edib.
O, bu barədə Facebook hesabı üzərindən məlumat paylaşıb.
“Şəffaflıq haqqında qanunla bağlı ictimai müzakirə aparacağım on nümayəndə seçin. Nüfuzlu ekspert hesab etdiyiniz 2-3 gənc olmayan şəxslə də müzakirələrdə iştirak edə bilərsiniz. Ümid edirəm ki, bu dəfə biz konstruktivliyə və aşkarlığa layiqli cavab alacağıq və radikal müxalifətə mənsub səfirlərdən və mediadan fərqli olaraq, gənclər şəffaflıq qanunu ilə bağlı sağlam müzakirələrdə iştirak edəcəklər”,-deyə nazir qeyd edib.
Gürcüstanın baş nazirinin sözlərinə görə, ölkədə nümunəvi, parlaq və mütərəqqi gənclik var və onlar gələcəkdə bu ölkənin idarə olunmasını və inkişafını öz üzərinə götürməlidirlər.
