13 noyabr tarixində Ağ Evdə Co Bayden və Donald Tramp arasında görüş baş tutacaq.
Regionpress.ge xəbər verir ki, bu bəyanatı Ağ Evin administrasiyası yayıb: “ABŞ prezidenti Co Baydenin dəvəti ilə bazar ertəsi, Ağ Evin Oval kabinetində onun və ABŞ-ın yeni seçilmiş prezidenti Donald Tramp arasında görüş keçiriləcək. Əlavə məlumat daha sonra elan olunacaq,” – deyə bəyanatda qeyd edilir.
ABŞ siyasətində vəzifəsini tərk edən prezidentin yeni seçilmiş dövlət başçısı ilə görüşməsi ənənəvi hesab olunur.
Xatırladaq ki, 2020-ci ildə Donald Tramp onu əvəz edən Co Baydeni Oval kabinetə dəvət etməmişdi. 7 noyabr tarixində çıxışında Co Bayden hakimiyyətin yeni administrasiyaya sülh yolu ilə ötürülməsinin əhəmiyyətini vurğulayıb və bu prosesə tam dəstək verəcəyinə söz verib.
