“Ukrayna Qərblə Rusiya ilə münaqişədə atəşkəs imkanlarını müzakirə etməyib”-bunu Ukrayna Prezidenti Volodimir Zelenski deyib.
Ukrayna lideri bildirib ki, son zamanlar mediada onun atəşkəs mövzusunu müzakirə etmək üçün Qərbə səfər etdiyi ilə bağlı məlumatlar yayılıb. Lakin Zelenski bu iddiaların doğru olmadığını vurğulayıb. Daha əvvəl İtaliyanın “Corriere della Sera” qəzeti Zelenskinin Ukraynanın ərazi itkilərini tanımadan mövcud cəbhə xəttində atəşkəsə razı olmağa hazır olduğunu, bunun əvəzində isə Kiyevin Qərbdən təhlükəsizlik zəmanəti istədiyini yazmışdı.
