17 Aprel tarixində Rustavi Təhsil və Mədəniyyət Mərkəzində COP29-la bağlı məlumatlandırıcı görüş keçirilmişdir. Görüşü Mərkəzin direktoru Raida Dərziyeva açaraq, BMT-nin ən böyük tədbirinin, İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına Azərbaycanın ev sahibliyi edəcəyi barədə şagirdlərə məlumat vermişdir. O, həmçinin, bu hadisənin Azərbaycan üçün mühüm bir hadisə olduğunu və ölkəmizin bu tədbirə yüksək səviyyədə hazırlaşdığını qeyd etdi.
Daha sonra görüşün qonağı şəhərin azərbaycan şöbəsinin kimya müəlliməsi Dilbər Babayeva şagirdlərə iqlim dəyişkənliyi barədə ətraflı məlumat vermişdir.
