Partiyalar arasında deputat mandatları bölünüb

Baryeri keçən 5 partiya arasında deputat mandatları bölünüb.

Regionpress.ge xəbər verir ki, Mərkəzi Seçki Komissiyasının saytında dərc edilmiş bütün seçki dairələri və məntəqələrinin nəticələrinə əsasən, “Gürcü arzusu” XI çağırış Parlamentə 89 deputatla daxil olub.

İkinci yerdə 11,034% səs və 19 deputat mandatı ilə “Dəyişiklik Koalisiyası” siyasi birliyi qərarlaşıb.

Beş seçki subyekti 5%-lik baryeri keçib. Onların arasında deputat mandatları aşağıdakı kimi bölünür:

1. “Gürcü arzusu” – 89 mandat (1,120,140 səs, 53,936%)
2. “Dəyişiklik Koalisiyası” (Qvaramia, Melia, Girchi, Droa) – 19 mandat (229,161 səs; 11,034%)
3. “Birlik-Milli Hərəkat” – 16 mandat (211,120 səs; 10,166%)
4. “Güclü Gürcüstan – Lelo, xalq üçün, azadlıq üçün” – 14 mandat (182,949 səs; 8,809%)
5. “Gürcüstan Naminə” – 12 mandat (161,336 səs; 7,769%)

3,111 seçki məntəqəsindən 3,110-u hesablanıb. Marneuli seçki dairəsində bir seçki məntəqəsi ləğv edilib.