Avrointeqrasiya dayandırılmayıb və dayandırılmayacaq – Avrointeqrasiya uzunmüddətli nəticələrə yönəlmiş və ani siyasi konyukturaya əməl etməyən işdir.
Regionpress.ge xəbər verir ki, bu barədə Parlamentin sədri Şalva Papuaşvili bildirib.
Onun sözlərinə görə, Gürcüstan 2028-ci ilə qədər əlaqədar sazişin 90%-ni yerinə yetirmiş olacaq ki, bu da bizi mahiyyətcə Avropa İttifaqına üzvlüyə yaxınlaşdıracaq.
“Burada mən son zamanlar istifadə olunan terminə, Avropaya inteqrasiyanın dayandırılmasına, dondurulmasına və ya digər oxşar terminlərə toxunmaq istərdim. Avropa Komissiyasının genişlənmə sənədi üzərində işləməsi, Gürcüstanın irəliləyişini dəyərləndirməsi və bizə tövsiyələr verməsi onu göstərir ki, bu termin institusional vəziyyətdən daha çox siyasi bəyanatdır. Avropa İttifaqı Gürcüstanı qiymətləndirməyə davam etdiyi üçün biz də assosiasiya sazişində nəzərdə tutulan məsələlər üzərində işləməyə davam edirik.Avropaya inteqrasiya məhz bundan ibarətdir. Dayanmayıb və dayanmayacaq. Bu prosesdə əldə olunan nailiyyətlərin bizə öyrətdiyi bir şey varsa, o da budur ki, Avropaya inteqrasiya bir anlıq siyasi konyuktura deyil, uzunmüddətli nəticəyönümlü işdir. Parlament seçkilərində əhali çox aydın şəkildə Avropaya inteqrasiya prosesi, müxalifətin isterik siyasəti və biznes, gürcü xalqının maraqlarına əsaslanan “Gürcü arzusu”nun konstruktiv siyasəti arasında seçim etdi”, – deyə Papuaşvili bildirib.
