Avropa İttifaqında bir çox hökumət artıq Gürcüstan üçün vizasız rejimin dayandırılmasını nəzərdən keçirir. Mən vizasız rejimin dayandırılmasına qəti şəkildə qarşı idim, lakin mövqeyimi dəyişdim. Bu, bizim Tbilisiyə anti-demokratik siyasəti dayandırmaq üçün ən vacib mesajımızdır!
Regionpress.ge xəbər verir ki, bu bəyanatı Almaniya Bundestaqının Xarici Əlaqələr Komitəsinin sədri Mixael Rot “Palitranews” telekanalına verdiyi müsahibəsində bildirib.
Onun sözlərinə görə, Gürcüstan hökuməti bu məsələnin qiymətini yenidən nəzərdən keçirməlidir, çünki ölkə iki dünya arasında yaşaya bilməz.
“Xatırlayırsınızsa, mən sizə sonuncu müsahibəmi verəndə vizasız rejimin dayandırılmasına qəti şəkildə qarşı idim, lakin mövqeyimi dəyişdim və bu, mənim üçün indi asan deyil. Bilirəm ki, bu qərarın qarşılığında dostlarım da yüksək qiymət ödəməli olacaq, lakin bu, bizim Tbilisiyə anti-demokratik siyasəti dayandırmaq üçün ən vacib mesajımızdır. Əvvəlki yola qayıdın. Ölkənizi Avropa İttifaqına yaxınlaşdırın. Biz sizə kömək edirik, dəstək veririk. Gürcüstan hökuməti bu məsələnin qiymətini yenidən nəzərdən keçirməlidir. Ona görə də mən çox ümid edirəm ki, biz belə bir vəziyyətdən qaça biləcəyik, çünki bilirəm ki, Avropa İttifaqında bir çox hökumət, lakin hamısı deyil, artıq Gürcüstan üçün vizasız rejimin dayandırılmasını nəzərdən keçirir”, – deyə Rot bildirib.
