Bu gündən ABŞ Dövlət katibinin demokratiya və insan hüquqları məsələləri üzrə müavini Gürcüstana səfəri başlayır.
Regionpress.ge yerli KİV-lərə istinadən məlumat verir ki, səfər çərçivəsində Uzra Zeya Gürcüstanda demokratik idarəetmə, korrupsiya ilə mübarizə, mətbuat azadlığı, marginal və həssas qruplarla bağlı görüşlər keçirəcək. O, hökumət nümayəndələri, vətəndaş cəmiyyəti və media üzvləri ilə görüşəcək.
Qeyd olunub ki, səfər çərçivəsində Uzra Zeya “xarici təsir” qanunu, digər qeyri-liberal qanunvericilik və Gürcüstan hökumətinin zərərli ritorikası ilə bağlı ABŞ-ın ciddi narahatlığını vurğulayacaq.
