ABŞ Dövlət Departamentinin sözçüsü Metyu Millerin sözlərinə görə, ABŞ-ın Gürcüstanla bağlı siyasi qərarları hökumətin fəaliyyətindən asılıdır.
Regionpress.ge məlumat verir ki, bu barədə o, iyulun 24-də Dövlət Departamentində keçirilən brifinqdə qeyd edib.
Bildirilib ki, ABŞ Gürcüstanla münasibətlərinə yenidən baxmağa davam edir.
“Biz həmişə ümid edirik ki, demokratiya və ya Avropaya inteqrasiya yolundan geri çəkilməyə başlayan bütün ölkələr öz kurslarını dəyişəcəklər. Eyni zamanda, biz siyasi qərarlarımızı [Gürcüstan hökumətinin] kursu dəyişməməsinin real ehtimalını nəzərə alaraq hazırlayırıq”, – Metyu Miller qeyd edib.
