“Düşünürəm ki, Gürcüstanda heç kim öz ölkəsini girov kimi başqa ölkəyə, o cümlədən Çinə vermək istəmir”.
Regionpress.ge xəbər verir ki, bunu ABŞ prezidentinin milli təhlükəsizlik məsələləri üzrə müşaviri Ceyk Sullivan deyib.
“Gürcüstana gəlincə, biz Gürcüstanın seçki prosesi və demokratik institutların trayektoriyası ilə bağlı narahatlığımızı çox açıq şəkildə ifadə etdik və bu narahatlığımız davam edir.
Nəticədə, Gürcüstanın gələcəyi gürcü xalqından asılı olmalıdır və bu, azad və ədalətli proseslə həll olunmalıdır. Düşünürəm ki, Gürcüstanda heç kim öz ölkəsini girov kimi başqa ölkəyə, o cümlədən Çinə vermək istəmir”, – deyə Sullivan “Globalnews”un sualını cavablandırıb.
