Gürcüstandan Azərbaycan istiqamətində sərhədi pozaraq keçməyə cəhd edən 36 nəfər saxlanılıb.
Regionpress.ge məlumat verir ki, bu barədə Azərbaycan Dövlət Sərhəd Xidməti məlumat yayıb.
Məlumata əsasən, may ayının 14-də saat 00:15-də Azərbaycan Dövlət Sərhəd Xidmətinin Sərhəd Qoşunlarının “Qazax” sərhəd diviziyasının xidməti ərazisində 12 nəfər (8-i azyaşlı uşaq), saat 02:10-da isə “Şəmkir” sərhəd dəstəsinin xidməti ərazisində 24 nəfər (16-sı azyaşlı uşaq) Azərbaycan vətəndaşı Gürcüstandan Azərbaycan Respublikası istiqamətində dövlət sərhədini pozmağa cəhd göstərərkən saxlanılıblar.
Fakt üzrə qeyri-leqal miqrasiya kanalının aşkarlanaraq zərərsizləşdirilməsi istiqamətində əməliyyat-istintaq tədbirləri davam etdirilir.
