Gürcüstanda hava şəraiti pisləşəcək.
Regionpress.ge xəbər verir ki, bu barədə Milli Ətraf Mühit Agentliyi məlumat yayıb.
Məlumata görə, noyabrın 5-də Qərbi Gürcüstanda yağış, yüksək dağlıq ərazilərdə qar yağacağı, bəzi yerlərdə güclü çovğun olacağı gözlənilir. Gürcüstanın əksər ərazilərində güclü qərb küləyi əsəcək.
Dənizdə 4-6 bal gücündə fırtına olacağı gözlənilir. Gözlənilən yağıntılar Qərbi Gürcüstan çaylarında suyun səviyyəsini artıra, dağlıq və yüksəl dağlıq ərazilərdə sürüşmələrin başlamasına və aktivləşməsinə səbəb ola bilər.
