Avropa İttifaqının (Aİ) Gürcüstandakı səfiri Pavel Hercinski Gürcüstanın quruma üzv olmaq üçün şərtlərini açıqlayıb.
Regionpress.ge xəbər verir ki, Hercinskinin sözlərinə görə, söhbət Aİ-nin qurulduğu “əsas prinsiplər və dəyərlərdən” gedir.
“Əgər gürcü xalqı gələcəyini birpartiyalı dövlət, siyasi müxalifətin qadağan edildiyi, vətəndaş cəmiyyəti təşkilatlarının sərbəst fəaliyyət göstərə bilmədiyi, mətbuat azadlığının olmadığı və hər bir insanın hüquqlarının qorunmadığı bir ölkədə yaşamaqla əlaqələndirərsə, Gürcüstan heç vaxt Aİ-nin üzvü olmayacaq,” – deyə Herçinski bildirib.
