2025-ci ilin büdcə layihəsinin ilkin variantına əsasən, səhiyyə işçilərinin maaşlarının 10%-lik artımı planlaşdırılır.
Qeyd olunub ki, səhiyyə proqramlarının maliyyələşdirilməsi üçün 2025-ci ilin büdcə layihəsinə əsasən 1,9 milyard laridən çox vəsait ayrılıb.
“Səhiyyə və sosial müdafiə proqramlarının maliyyələşdirilməsi üçün nazirliyə 870,0 milyon laridən çox vəsait ayrılıb. Bu vəsait çərçivəsində: 70 yaşdan yuxarı pensiyaçılar üçün pensiya 35 lari artırılacaq və 450 lari məbləğində müəyyən ediləcək. Eyni kateqoriyaya aid olan dağlıq ərazilərdəki pensiyaçılar üçün pensiya təxminən 540 laridən ibarət olacaq;
70 yaşadək olan şəxslərin pensiyası 20 lari artırılacaq və 335 lari məbləğində müəyyən ediləcək, dağlıq ərazilərdə isə bu məbləğ 400 laridən çox olacaq;
Pensiya ilə yanaşı, 18 yaşadək ağır dərəcədə əlilliyi olan şəxslər üçün sosial ödənişlər 35 lari, digər kateqoriyalı əlillər üçün isə 20 lari artırılacaq;
120 min sosial reytinq balına qədər olan ailələrin 16 yaşadək uşaqlarına aylıq yardım 200 lari təşkil edəcək;
Ümumilikdə sosial proqramların maliyyələşdirilməsi üçün 6,3 milyard lari ayrılıb;
Səhiyyə proqramlarının maliyyələşdirilməsi üçün isə 1,9 milyard laridən çox vəsait nəzərdə tutulub, o cümlədən ilkin tibbi yardım işçilərinin maaşlarının 10%-lik artımı planlaşdırılıb;
Məcburi köçkünlərin mənzillə təmin olunması üçün 240,0 milyon lari nəzərdə tutulub”, – deyə məlumatda bildirilir.
